- 720 -

1447. Okt. 17.

Vnsern frundlichen grus zuuor. Erbern weizen, lieben frunde, ewern fredebrieff haben wir an Menlin von Manow geschicket noch ewer begere vnd im dobey geschreben begernde vns zuschreiben, ap im derselbe fredebrieff geantwortet sey vnd off welchen tag her im geantwortet wurden sey, den wir denne zu geczugnis solcher sachen bey vns meynen zubehalden euch zu gute vnd euch mite zuteilen, ap es zukumffticlichen notorfft sein wurde etc. Geben des dinstages vor Luce ewang. XLVII°. Als verre ap her vns wider doroff schreiben vnd seinen brieff senden wirt.
Ratmanne zu Breslow.

Mit Rückaufschrift an den liegnitzer Rath.

Orig. Kgl Bibl z. Berl Ms. Boruss. f. 568. No. 121.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866